ئەمرۆ دووشه‌م له 1ی 1ی 2024 لە راگەیێندراوێکدا، مەکتەبی تەنفیزی یەکێتی زانایان ئاماری زانا و مامۆستایانی ئایینی کۆچکردوویان لە ساڵی 2023 بڵاو کردەوە.
بە پێی ئاماره‌كه کە لە ساڵی 2023 دا (40) زانا و مامۆستای ئایینی وەفاتیان کردووە و بۆ هەر یەکەشیان یەکێتی زانایان پرسە و هاوخەمی بۆ خانەوادە و کەسوکاریان گەیاندووە.
یه‌كێتی زانایان ئاماژه‌ی به‌وه دا كه لەدەستدانی زانایانی ئایینی کەلێنێکی گەورە لە کاروانی خزمەتی ئیسلام و موسڵمانان دروست ده‌كات، بەڵام قەدەری خوایە و ئەرکە هەموولایەک پێی رازی بین.
ئومێدیشی خواست خوای گەورە زانایان لەشساغ و تەمەن درێژ بکات، هەموو ئەوانەی وەفاتیان کردووە خوای گەورە بە بەهەشتی بەرینیان شاد بکات.