سەرۆکی هەرێمی کوردستان لە ئیمارات بەشدارە لە لوتکەی جیهانیی کەشوهەوا و لە پەراوێزی ئەو لوتکەیەشدا لەگەڵ چەند سەرکردە و کەسایەتییەکی نێودەوڵەتی دیداری ئەنجامدا.
سەرۆکایەتی هەرێمی کوردستان بڵاویکردووەتەوە، به‌يانيى ئه‌مڕۆ هه‌ينى (1ـی کانوونی یەکەمی 2023) نێچيرڤان بارزانى، سه‌رۆكى هه‌رێمى كوردستان، له شارى دوبه‌ى له ئيمارت، له‌گه‌ڵ ژماره‌يه‌كى به‌رچاوى سه‌رۆك و شا و سه‌ركرده‌ى وڵاتان، به‌شدارى له رێوڕه‌سمى كردنه‌وه‌ى كاره‌كانى كۆنفرانسى نه‌ته‌وه‌يه‌كگرتووه‌كان بۆ گۆڕانى كه‌شوهه‌وا (COP28)دا كرد.
رۆژی هەینی (1ـی کانوونی یەکەمی 2023) نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکی حکومەتی هەرێمی کوردستان لەسەر بانگهێشتی فەرمی وڵاتی ئیمارات، لە کردنەوەی لوتکەی جیهانیی کەشوهەوا لە دوبەی ئامادەبوون.
هەردوو سەرۆکی هەرێمی کوردستان و سەرۆکی حکومەتی هەرێمی کوردستان لەگەڵ سەرکردەکانی جیهان و کەسایەتییە نێودەوڵەتییەکانی بەشدار لە لوتکەکە گفتوگۆ و دیداری گرنگیان هەیە و جەخت لە گرنگی رۆلی هەرێمی کوردستان و لە ناوچەکە دەکەن لە پرسە جهیانییەکان، لەوانەش گۆڕانی کەشوهەوا.
لە 28ـەمین لوتکەی جیهانیی کەشوهەوا، باس لەو ئاستەنگانە دەکرێت کە لە ئەنجامی گۆڕانی کەشوهەوا، رووبەڕووی جیهان دەبنەوە، سەرۆکی هەرێمی کوردستان و سەرۆکی حکومەتی هەرێمی کوردستان لەگەڵ بەشدارانی لوتکەکە، کاریگەرییە نەرێنییەکانی ئەم گۆڕانکارییە لەسەر هەرێمی کوردستان و عێراق و وڵاتانی جیهان تاوتوێ دەکات.