ئەمڕۆ پێنجشەممە 12ـی ئۆکتۆبەری 2023، فەرماندەی “فەوجی پۆڵایینی” یەکێتی نیشتمانی کوردستان لە رووداوێکی تەمومژاویدا گیانی لەدەستدا.
بورهان غەفور فەتاح، فەرماندەی فەوجی 734 کە بە “فەوجی پۆڵایینی” یەکێتی ناسراوە، ئەمڕۆ لە رووداوێکی تەمومژاویدا گیانی لەدەستدا.
بە گوێرەی زانیارییەکان بورهان غەفوور ئەمڕۆ لەکاتی ئەرکەکەیدا لە قەزای بازیان گوللـە بەر سەری کەوتووە و دواتر بە برینداری گەیەندراوەتە نەخۆشخانەی شار لە سلێمانی و لەوێ گیانی لەدەستداوە.
دوای گیانلەدەستدانی، تەرمی ئەو فەرماندەیەی یەکێتی رەوانەی پزیشکی دادی سلێمانی کراوە و، چاوەڕێ دەکرێت دواتر تەرمەکەی بۆ کەرکووک بگوازرێتەوە.
بەپێی هەندێک زانیاری کە هێشتا پشتڕاست نەکراونەتەوە، ئەو فەرماندەیەی یەکێتی لەکاتی ئەرکەکەیدا کۆتایی بەژیانی خۆی هێناوە.