ئەندازیار قارەمان مەولوود، لێپرسراوی لێژنەی مۆلیدە ئەهلییەكان لە پارێزگای هەولێر، ڕاگەیاند: “نرخ و کرێی مۆلیدە ئەهلییەکانی هەولێر بۆ مانگی 9ی ئەمساڵ، بۆ هەر ئەمپێرێك كارەبا، كەمترینی 12 هەزار و 500 دینارە و زۆرترینیشی 14 هەزار دینارە، بەراورد بە مانگی 8 نرخەكە كەمتر بووەتەوە.”
قارەمان مەولوود ئاشكراشی كرد، بۆ مانگی ڕابردوو مۆلیدە ئەهلییەكان بە تێكڕا 10 كاتژمێر كارەبایان داوە، گوتیشی: ” بەراورد بە مانگی 8 لە مانگی 9 كاتژمێرەكانی كارەبای نیشتمانی زیاتر بووە.”
