ئەمڕۆ پێنجشەممە 7ـی ئەیلوولی 2023، مەسرور بارزانی، سەرۆکوەزیرانی هەرێمی کوردستان و خەمیس خەنجەر، سەرۆکی هاوپەیمانی سیادە لە هەولێر کۆبوونەوە.
بە گوێرەی راگەیەندراوێکی ماڵپەری فەرمی حکومەتی هەرێمی کوردستان، لە دیدارەکەدا گفتوگۆ لەبارەی دۆخی گشتیی عێراق و گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵ کرد لەسەر بنەمای دەستوور و رێککەوتنەکان کرا.
ئاماژە بەوەشدرا، تەوەرێکی دیکەی گفتوگۆکان، تایبەت بوو بە رووداوەکانی ئەم دواییەی کەرکووک. هەردوولا نیگەرانیی خۆیان لە بەکارهێنانی توندوتیژی بەرامبەر خۆپێشاندەرانی سیڤل دەربڕی و هاوڕابوون لەسەر ئاساییکردنەوەی بارودۆخی شارەکە.