وەزارەتی پەروەردەی هەرێمی کوردستان شوێن و هۆڵی سەرجەم قوتابییانی پۆلی 12ـی ئامادەیی بە هەموو بەشەکانییەوە بۆ تاقیکردنەوەکانی خولی دووەم بڵاو کردۆتەوە.
ئەمڕۆ هەینی 28ـی 07ـی 2023 وەزارەتی پەروەردەی هەرێمی کوردستان ڕایگەیاند: ئاگادارى سەرجەم قوتابییانی قۆناغى 12ـی ئامادەیى بە هەموو بەشەکانییەوە دەکەینەوە، لەڕێگەى ئەم لینکە بەپێى پارێزگاکان دەتوانن شوێن و هۆڵى تاقیکردنەوەکانی خولی دووەم بزانن.
هەر لە ڕاگەیەنراوەکە وەزارەتی پەروەردە داوا لە قوتابییان دەکات کە ڕۆژێک پێش ئەنجامدانى یەکەم تاقیکردنەوە کە لە کاتژمێر 07:30ـی بەیانیی ڕۆژی 06ـی 08ـی 2023 ئەنجام دەدرێت، سەردانى هۆڵەکانیان بکەن، بۆ دڵنیابوون لە شوێن و ناوەکانیان بۆ ئەنجامدانى تاقیکردنەوەکانی خولی دووەم.