بەهۆی فرۆشتنی بەنزینی كوالێتی خراپ نۆ بەنزینخانە لەهەولێر داخران

لەماوەی شەش رۆژدا ،بەهۆی فرۆشتنی بەنزینی كوالێتی خراپ و پابەند نەبوون بە رێنماییەكان، نۆ بەنزیخانە لەشاری هەولێر سزادران و داخران.
لەدرێژەی بەدواداچوون و چاودێری كردنی لێژنەكان و بەهۆی فرۆشتنی بەنزینی كوالێتی خراپ و پابەند نەبوونیان بەڕێنماییەكان ،لەكۆی(60) شەست وێستگە كەپشكنینیان بۆ كراوە لە 2023/7/22 تا 2023/7/27  نۆ وێستگەی بەنزین (بەنزینخانە) لەشاری هەولێر داخران و سزا دران. بەنزیخانەكانیش بریتین لە: وێستگەی بەهاری نوێ، وێستگەی دۆستان،وێستگەی مهتاب، وێستگەی دونیا،وێستگەی مۆبیل،وێستگەی سۆرس،وێستگەی دانا m.h ،وێستگەی زریج،وێستگەی سەربەست.