وەزارەتی کارەبای هەرێمی کوردستان ئەو پڕۆژانەی خستووەتەڕوو کە لە کابینەی نۆیەمی حکوومەتی هەرێمی کوردستان جێبەجێ کراون، کە تێچووی سەرجەم پڕۆژەکان 33 ملیار و 48 ملیۆن دینار بووە.
وەزارەتی کارەبای هەرێمی کوردستان بەمشێوەیە پڕۆژەکانی خستووەتەڕوو:-
– دامەزراندنی وێستگەی 165 مێگاواتی کارەبا لە گازی بەفیڕۆچووی کێڵگەی نەوت.
– دامەزراندنی وێستگەی گۆڕینی کارەبای 132 کیلۆڤۆڵت بە گوژمەی 18 ملیار 38 ملیۆن دینار.
– دامەزراندنی وێستگەی گۆڕینی کارەبا 33 کیلۆڤۆڵت لە ناحیەی ساڵح ئاغا بە گوژمەی ملیارێک و 400 ملیۆن دینار.
– دامەزراندنی هێڵەکانی 132کەی ڤی پاڵەپەستۆی بەرز لە نێوان کەلار – کفری بەگوژمەی 4 ملیار و 200 ملیۆن دینار.
– 73 پڕۆژە بە گۆژمەی 9 ملیار و 500 ملیۆن دینار بۆ گەیاندنی کارەبا بۆ گوندەکان و چارەسەرکردنی کێشە تەکنیکییەکانی کارەبا و بارزۆری و کڕینی کەرەستەکانی کارەبا بۆ کۆگەکان و ڕووناککردنەوەی شەقامەکان جێبەجێ کراون.