گوتەبێژی حکومەتی هەرێمی کوردستان له به‌یاننامه‌یه‌كدا رایگەیاند، لەسەر ڕاسپاردەی سه‌رۆكوه‌زیران مه‌سرور بارزانی بڕیاردرا بە خەرجکردنی 296 ملیۆن دینار بۆ نۆژەنکردنەوەی یاریگای یانەی کفری، لەگەڵ دابینكردنی پێداویستی و کەلوپەلی وەرزشی بۆ 24 تیپی وەرزشی سنووری ئه‌و قه‌زایه.
بە نۆژەنکردنەوەی ئەو یاریگایە یانەی کفری بۆ وەرزی داهاتوو دەتوانێت لە نێو ئه‌م یاریگایە كێبڕكێ بكات بۆ گه‌ڕانه‌وه‌ی بۆ خولی پلەیەکی تۆپی پێی کوردستان بدات. هه‌ڵبه‌ت تیپه میللیه‌كانیی ئه‌و سنووره‌ش هه‌ر له‌سه‌ر ئه‌و یاریگه كاروچالاكییه‌كانیان ئه‌نجام داوه و خوله‌كانیان به‌ڕێوه‌بردووه