وەزارەتی خوێندنی باڵا و توێژینەوەی زانستی هەرێمی کوردستان ڕایگەیاند: سبەی یەکشەممە 15ـی 07ـی 2023 دەست بە دابەشکردنی پاڵپشتی دارایی قوتابییانی زانکۆ و پەیمانگەکان دەکرێت.
لە ڕێکەوتی 22ـی 02ـی 2023 مەسرور بارزانی، سەرۆکی حکوومەتی ھەرێمی کوردستان، ڕەزامەندیی دا لەسەر بەردەوامی و خەرجکردنی زیاتر لە 7 ملیار و 250 ملیۆن دیناری مانگانە وەک پاڵپشتی بۆ قوتابییانی زانکۆ و پەیمانگەکانی ھەرێمی کوردستان و دابینکردنی خزمەتگوزاری بەشە ناوخۆییەکان بۆ ساڵی خوێندنی 2022-2023، هاوشێوەی ساڵی خوێندنی 2021-2022).
خەرجکردنی ئەم بڕە پارەیە بۆ قوتابییان لە چوارچێوەی گرنگیدانی کابینەی نۆیەمی حکوومەتی ھەرێمی کوردستان و بە کەرتی خوێندنی باڵا و پاڵپشتیکردنی قوتابییانی زانکۆ و پەیمانگەکان.