سەجا شێرزاد – دهۆک
دپلانا حکوومەتا ھەرێما کوردستانێ ب سەروکاتییا مەسرور بارزانی، ئێک ژوان سەکتەرێن گرنگ یێن حکوومەتا ھەرێما کوردستانێ گرنگیێ پێ ددەت سەکتەرێ گەشت و گوزاری یە، و ئەڤ چەندە ل ڕویێ زاخۆ یێ گەشتیاری دیارە، ژبەرکو پرۆژەیێ گەشتیارییێ زاخۆ “کورنیشێ دەوروبەرێن خابیری” بوویە جھێ سەرەنجا کوردستانی و بیانیان رۆژنامەیا “ھەولێر” چاڤپێکەفتنەک دگەل چییا ئەمین ڕێڤەبەرێ گشتییێ گەشتوگوزارێ ل زاخۆ کریە ژبۆ وەرگرتنا زانیاریێن زێدەتر ل سەر پرۆژەیی.
چییا ئەمین، دبێژیت “ب دلخۆشی ڤە زاخۆ بەشەک ھەرە گرنگە ژپلانا حکوومەتا ھەرێما کوردستانێ و ھەلبەت پشتی زاخۆ بوویە ئیدارا سەربەخۆ ڕەوشا زاخۆ بۆ باشتر ھاتییە گوھارتن ھەر ژلایێ خەرج کرنا بودجێ دیسان ڕوولێ سەرەکی یێ سەرپەرشتێ ئیدارا سەبەرخۆ یا زاخۆ، ئەڤ چەندە ژی بوویە ئەگەرێ گەشەکرنا سێکتەرێ گەشت و گوزاری ب ڕێژەیا ١٠٠%”.
“ژبۆ جێبەجێکرنا ڤان پرۆژەیان ھەلبەت پێشتر ژی مە نیاز ھەبوون، لێ ژبەر نەبوونا بودجێ ھەروەسا ڕەوشا داریی یا ھەرێما کوردستانێ تێدا دەرباز دبوو دبوونە ئەگەر، لێ دنوکەدا زوربەھییا پرۆژەیێن مە نیاز ل سەر ھەین و زێدەبای چەندین پرۆژەیێن دی یێن نوی ل سەر ئاستێ ھەردوو کەرتێن تایبەتی و حکومەتی دێ ھێنە جێبەجێکرن”
پشتی پرۆژێ کورنیشێ دەوروبەرێن خابیرێ زاخۆ پلان ژبۆ جێبەجێکرنا چەندین پرۆژەیان ھەیە ژوانا نویژەنکرنا ھاڤینگەھێن گەشتیاری ل سنورێ قەزا زاخۆ و باتیفا ھەروەسا پرۆژێ سیکا کەڤن و پرۆژێ گەلیێ زاخۆ و پرۆژێ تلفریکا سەر خابیرێ زاخۆ و پرۆژێ باغچێ گیانەوەران و پرۆژەیێن دروستکلانا ئوتێلێن پێنج ستێر.
و دنوکەدا کۆڕنیشێ زاخۆ دقوناغێن دویماھیێ دایە و دپلان دایە دئەڤ ساڵەدا پرۆژە ب درێژییا ٣٠ کیلو مەتران بھێتە تمامکرن و کۆڕنیش ب درێژییا خابیرێ زاخۆ بھێتە درێژکرن، و ل سەر دەستێ سەروکێ حکومەتا ھەرێما کوردستانێ بھێتە ڤەکرن ژبەر کو پرۆژە ل سەر بودجا حکومەتێ یە, و ھەتا نوکە پتر ژ١٠ ملیون دولاران ژبۆ پرۆژەیێ ھاتینە خەرجکرن و ٩٥% ھاتییە جێبەجێکرن و بڕیارە ل دەسپێکا مەھا ھەشت ب دویماھیک بھێت.
چییا ئەمین ، دبێژیت” پرۆژێ دەوروبەرێن خابیرێ زاخۆ بوویە سومبولا وەرارا گەشتیاری ل زاخۆ و ڕێژا گەشتیاران ١٠٠% بلند بوویە, و دپلان دایە پرۆژێ دەوروبەرێن خابیری ببیتە مەزنترین کورنیش ل سەر ئاستی کوردستانێ و عراقێ” .