سەرۆکی هەرێمی کوردستان لەگەڵ راوێژکاری ئەڵمانیا کۆبووەوە و پەرەپێدانی زیاتری پەیوەندییەکانی نێوانیان تاوتوێکرد.
ئەمڕۆ دووشەممە 26/6/2023، نێچیرڤان بارزانی، سەرۆکی هەرێمی کوردستان لە هەژماری فەرمی خۆی لە تۆڕی کۆمەڵایەتیی (تویتەر) بڵاوی کردەوە: “خۆشحاڵم کە ئەمڕۆ لە بەرلین چاوم بە راوێژکاری ئەڵمانیا ئولاف شوڵتز کەوت، بیروڕامان لەسەر پەرەپێدانی زیاتری پەیوەندییەکانی نێوان هەرێمی کوردستان و عێراق لەگەڵ ئەڵمانیا تاوتوێکرد.”
سەرۆکی هەرێمی کوردستان ئەوەشی خستووەتە روو: “هەروەها سوپاسی ئەڵمانیام کرد بۆ پاڵپشتیکردنی هەرێمی کوردستان لە کاتە سەختەکاندا لە ماوەی چەند ساڵی ڕابردوودا.”