كامەران عەلی، بەڕێوەبەری نووسینگەی حەج و عومرەی پارێزگای سلێمانی رایگەیاند: تێچووی گەشتی ئاسمانی بە چوار هەزار و 500 دۆلار دانراوەو گەشتی وشكانییش بە سێ هەزار و 800 دۆلار .
هەروەها گوتی: 30 مورشیدی ئایینی،پێنج موفتی و 100 كۆمپانیا ،هەروەها تیمی پزیشكییمان كە لە 25 پزیشك و یاریدەدەری پزیشك پێكهاتووە كە پسپۆڕییە جیاجیاكان لەخۆدەگرێت، لەگەڵ تیمی راگەیاندنمان یاوەری حاجیان دەبن.
هاوكات حاجی ئاری محەمەد حامید، بەڕێوەبەری كۆمپانیایەكی رێكخستنی حەج و عومرە لە سلێمانی گوتی: ماوەی 25 بۆ 30 رۆژە لەگەڵ بەڕێوەبەرایەتیی ئەوقاف و كاروباری ئایینیدا هاوكارین بۆ ئەوەی گەشتی حاجییان بەڕێكوپێكی و بەسەركەوتوویی بەڕێوە ببەین، لەئێستاشدا كاروبارەكانی وەك خواردن و پاس و فڕۆكە ئامادەن و هیچ كێشەیەكمان نییە.
لەگەڵ دەستپێكی وادەی حەج و نزیك بوونەوەی جەژنی قورباندا، دەستە دەستە حاجیانی هەرێمی كوردستان وەك حاجیان لە وڵاتانی دیكە لەرێگەی وشكانی و ئاسمانییەوە بەرەو وڵاتی سعوودیە بۆ بەجێهێنانی فەریزەی حەج بەڕێدەكەون.
تێچووی گەشتی ئاسمانی حاجیان 4 هەزارو 500 دۆلارەو گەشتی وشكانییش 3 هەزارو 800 دۆلار
