تیمەكانمان لە (بەڕێوەبەرایەتیی ئاسایشی هەولێر)، توانییان ناسنامەی تۆمەتبارێك ئاشكرا بكەن كە لە تۆڕە كۆمەڵایەتییەكانەوە بانگەشەی بۆ فرۆشتنی پرسیارەكانی پۆلی 12ی ئامادەیی و ئامێری گزیكردن (غش) دەكرد، بۆیە لەسەر فەرمانی بەڕێز دادوەری لێكۆڵینەوەی ئاسایشی هەولێر، لە لایەن هێزێكی سەر بە بەڕێوەبەرایەتییەكەمانەوە تۆمەتبار دەستگیر كرا و درایە دادگا.
لێرەوە جارێكی دیكە داوا لە سەرجەم قوتابیان و خوێندكارانی خۆشەویست دەكەین، خۆیان لەو كەسانە بەدوور بگرن كە بانگەشەی لەم جۆرە دەكەن و كاتی خۆیان و دەرفەتی خوێندنەكەیان لەدەست نەدەن، چونكە ئەو جۆرە ئامێرانە نایاسایین و هیچ سوودێكیش بە قوتابیان خوێندکاران ناگەیەنن، لە لای هەر كەسێكیش بێت، دەستگیر دەكرێت و ڕێكاری یاسایی بەرامبەر دەگیرێتە بەر.
بە هیواین هەموان پشت بە خۆتان ببەستن و باشترین نمرەش بەدەست بهێنن.
بەڕێوەبەرایەتیی ئاسایشی هەولێر
٣ی ٦ی ٢٠٢٣