وەزارەتی شارەوانی و گەشتوگوزاری هەرێمی کوردستان لەپێناو بەرژەوەندی هاووڵاتییان جارێکی دیکە بڕیاری درێژکردنەوەی لێخۆشبوونی 15%ـی قەرزی کرێی ئاوی دا.
ئەمڕۆ دووشەممە 29ـی 05ـی 2023 وەزارەتی شارەوانی و گەشتوگوزار ڕایگەیاند: بڕیاری درێژکردنەوەی ماوەی لێخۆشبونی 15%ـی قەرزی کرێی ئاو درێژکرایەوە لە ڕێکەوتی 21ـی 05ـی 2023 بۆ 21ـی 06ـی 2023.
هاووڵاتییان بۆ سوودمەندبوون لە بڕیارەكە دەتوانن لە نزیكترین كاتدا سەردانی بەڕێوەبەرایەتی و فەرمانگەكانی ئاو و بنكەكانی كۆكردنەوەی داهاتی ئاو بكەن و سوودمەند بن لە بڕیاری لێخۆشبوونی قەرزی كرێی ئاو.