جێگر و سکرتێری پەرلەمانی کوردستان و شاندی هاوبەشی کونسوڵخانەکان و نێرده دیپلۆماسییەکان كۆبوونه‌وه.
پەیامنێری کوردستان24 له‌هه‌ولێر رایده‌گه‌یه‌نێت، ئه‌مڕۆ (یه‌كشه‌ممه 21ـی ئایاری 2023)، هێمن هەورامی جێگری سەرۆکی پەرلەمان و مونا قاوەچی سکرتێری پەرلەمان لەگەڵ شاندی هاوبەشی کونسوڵخانەکان و نێرده نێودەوڵەتییەکان لە هەرێمی کوردستان كۆبوونه‌وه.
به‌گوێره‌ی زانیارییه‌كان، تەوەری سەرەکی کۆبوونەوەکە تاووتوێکردنی هەڵبژاردنی پەرلەمان و کاراکردنەوەی کۆمسیۆنی باڵای هەڵبژاردن و راپرسییە.
ئەم کۆبوونەوەیە لەکاتێکدایە بە واژۆی جێگر و سکرتێری پەرلەمانی کوردستان بڕگەی کاراکردنەوەی ئەنجومەنی کۆمسیارانی کۆمسیۆنی هەڵبژاردن و راپرسی بۆ کۆبوونەوەی سبەی پەرلەمان زیادکراوە.