مەسرور بارزانی سەرۆكی حكومەتی هەرێمی كوردستان، لە پەیوەندییەكی تەلەفۆنیدا، سەرەخۆشی لە عەبدوڵڵای كوێخا موبارەك كرد بۆ گیان لەدەستدانی كوڕە جوانەمەرگەكەی .
سەرۆكی حكومەت ، وێڕای پرسە و سەرەخۆشی و دەربڕینی هاوخەمی خۆی، هیوای خواست، خوای مەزن گیانی خوالێخۆشبوو بە بەهەشت شاد بكات و سەبر و ئارامییش بە كەس وكار و بنەماڵەكەیان ببەخشێت.
سەرۆكی حكومەت هەروەها سوپاسی عەبدوڵڵا كوێخا موبارەكی كرد بۆ هەلوێستی مەردانەو بەرپرسانە ونیشتیمانپەروەرانەی و جەختی لەوە كردەوە، كە ئەم تاوانانە دەبێ كۆتاییان پێ بێت و تاوانباران ڕووبەڕووی یاسا بكرێنەوە.
لە بەرامبەردا،عەبدوڵڵای كوێخا موبارەك، سوپاس و پێزانینی خۆی و بنەماڵەكەی بۆ پەیوەندیی و هاوخەمی سەرۆكی حكومەتی هەرێمی كوردستان دەربڕی.
سەرۆكی حكومەت سەرەخۆشی لە عەبدوڵڵای كوێخا موبارەك دەكات
