سەرۆکی حکوومەتی هەرێمی کوردستان لە ساڵیادی بۆردومانکردنی شاری قەڵادزێ دەڵێت، بە شکۆوە یادی شەهیدانی قەڵادزێ و سەرجەم شەهیدانی گەلی کوردستان دەکەینەوە.
ئەمڕۆ دووشەممە 24ـی 04ـی 2023 مەسرور بارزانی سەرۆکی حکوومەتی هەرێمی کوردستان لە ساڵیادی هەردوو کارەساتی بۆردومانکردنی شاری قەڵادزێ لە 1974 و گوللەبارانکردنی ڕاپەڕینی 1982 تویتێکی کردووە.
سەرۆکی حکوومەتی هەرێمی کوردستان لە تویتەکەیدا نووسیویەتی، “لە ساڵڤەگەڕی هەردوو کارەساتی بۆردومانکردنی شاری قەڵادزێ لە 1974 و گوللەبارانکردنی ڕاپەڕینی 1982، بە شکۆوە یادی شەهیدانی قەڵادزێ و سەرجەم شەهیدانی گەلی کوردستان دەکەینەوە، هەمیشە لە یادمانن.”