سه‌رۆكی حكوومه‌تی هه‌رێمی كوردستان ئه‌مشه‌و سێشه‌م په‌یامێكی پیرۆزبایی به‌بۆنه‌ی سه‌ری ساڵی ئایینی ئێزیدییان بڵاو كرده‌وه و تێیدا جه‌ژنی چارشه‌مبا سۆر له سه‌رجه‌م خوشك و برایانی ئێزیدی پیرۆز كرد.
مه‌سرور بارزانی سه‌رۆكی حكوومه‌ت له په‌یامه پیرۆزباییه‌كه‌دا ڕایگه‌یاند “ب هەلکەفتا هاتنا سەر ساڵا ئێزیدییان، پیرۆزباھییەکا گەرم ئاراستەی تەڤایا خوشک و برایێن ئێزیدی ل کوردستانێ و عێراقێ و جیهانێ دکەم، ب تایبەتی ڕێزداران ميرێ ئێزدیيان و بابه‌شێخ و جڤاتا ڕوحانى”.
مه‌سرور بارزانی ڕاشیگه‌یاند “ب ڤێ هەلکەفتێ، دوپاتییێ ل سەر گرنگییا بجهئینانا ڕێککەفتننامەیا شنگالێ و ئاساییکرنەڤا رەوشا دەڤەرا شنگالێ و دەرکەفتنا میلیشیا و گروویێن چەکدار یێن ژ یاسایێ دەرکەفتین و ڤەگەڕاندنا ئاوارەیان ب سەربلندی بۆ دەڤەرێن وان دکەینەڤە”.
ئه‌مه‌ی خواره‌وه ده‌قی په‌یامه پیرۆزباییه‌كه‌ی سه‌رۆكی حكوومه‌ته به بۆنه‌ی سه‌ری ساڵی ئایینی ئێزیدییان.
ب هەلکەفتا هاتنا سەر ساڵا ئێزیدییان، پیرۆزباھییەکا گەرم ئاراستەی تەڤایا خوشک و برایێن ئێزیدی ل کوردستانێ و عێراقێ و جیهانێ دکەم، ب تایبەتی ڕێزداران ميرێ ئێزدیيان و بابه‌شێخ و جڤاتا ڕوحانى. هیڤیدارم د کەش و سەقایەکێ ئاشتی و تەناهی و خۆشیێ دا ڤێ جەژنێ ببوورينن.
ب ڤێ هەلکەفتێ، دوپاتییێ ل سەر گرنگییا بجهئینانا ڕێککەفتننامەیا شنگالێ و ئاساییکرنەڤا رەوشا دەڤەرا شنگالێ و دەرکەفتنا میلیشیا و گروویێن چەکدار یێن ژ یاسایێ دەرکەفتین و ڤەگەڕاندنا ئاوارەیان ب سەربلندی بۆ دەڤەرێن وان دکەینەڤە.
جارەکا دی، سەرساڵا وە پیرۆز بیت و هەر دخوەشی و ئارامیێ دا بژین.
مەسرور بارزانی
سەرۆکێ حکوومەتا هەرێما کوردستانێ