مەسرور بارزانی، سەرۆکوەزیرانی هەرێمی کوردستان ئەمڕۆ دووشەممە (17ـی نیسانی 2023) پێشوازی لە شاندێکی رێکخراوی تەندروستی جیهانی WHO کرد.
بە گوێرەی راگەیەندراوێکی حکومەتی هەرێمی کوردستان، شاندێکی رێکخراوی تەندروستی جیهانی (WHO)بە سەرۆکایەتی د.ئەحمەد زویتن بەرپرسی رێکخراوەکە لە عێراق لەگەڵ سەرۆکوەزیرانی هەرێمی کوردستان کۆبووەوە.
ئاماژە بەوەشدرا، لە دیدارەکەی سەرۆکوەزیران و شاندی WHO، کارو پڕۆژەکانی رێکخراوی تەندرستی جیهانی لە عێراق و هەرێمی کوردستان تاوتوێ کران و جەختیان لە گرنگیی پەرەپێدانی پەیوەندیی و هەماهەنگیی لە نێوان وەزارەتی تەندروستی حکومەتی هەرێمی کوردستان و ڕێکخراوی تەندروستی جیهانی كردەوە.