دەقی وەڵامەکەی گوتەبێژی حکومەتی هەرێمی کوردستان
حکومەتی هەرێمی کوردستان، پەرۆشی دۆخی هەموو ناوچەکانی هەرێمی کوردستانە و هەموو هەوڵێکمان بۆ ئەوەیە ئاسەواری دوو ئیدارەیی نەمێنێت و بتوانین بە بێ کۆسپ و تەگەرە و بە بێ جیاوازی خزمەتی هەموو هاووڵاتیانمان بکەین.
بەڵام ئەو لایەنە سیاسییەی کە بەڕێز قوباد تاڵەبانی نوێنەرایەتیی دەکات، ڕێگرە لە کاروباری حکومەت و دامودەزگاکانی، و حکومەتی لە سنووری سلێمانی خستۆتە بن هەژموونی ئەجێنداکانی حیزبەکەی، بەو هۆیەشەوە هاووڵاتیانی ئەو دەڤەرە لە دۆخێکی ناهەمواردان.
بەداخەوە، لە جیاتی ئەوەی کاک قوباد، بێت هاوکار بێت و لە کەناڵەکانی حکومەتەوە چارەسەری کێشەکان بکات، خۆی لە بەرپرسیاریەتی دزیوەتەوە و دەوام ناکات. بۆیە کاک قوباد، جێگری سەرۆکوەزیرانی بندیوارە و مافی ئەوەی نیە باسی حکومەت بکات و بڕیار لەسەر وتەبێژی حکومەت بدات.
د.جوتیار عادل
گوتەبێژی حکومەتی هەرێمی کوردستان
7ی نیسانی 2023