سه‌رۆك وه‌زیرانی عێراق ئه‌مڕۆ دووشه‌م په‌یامی پیرۆزبایی به‌بۆنه‌ی جه‌ژنی نه‌ورۆز ئاراسته‌ی گه‌لی كورد له هه‌رێمی كوردستان كرد.
باسم عه‌وادی گوته‌بێژی حكوومه‌تی عێراق ڕایگه‌یاند: محه‌مه‌د شیاع سوودانی سه‌رۆك وه‌زیرانی عێراق ئه‌مڕۆ دووشه‌م له ده‌ستپێكی كۆبوونه‌وه‌ی ئه‌نجوومه‌نی وه‌زیراندا، پیرۆزبایی له گه‌لی كورد له هه‌رێمی كوردستان كرد به‌بۆنه‌ی هاتنی جه‌ژنی نه‌ورۆز و سه‌ری ساڵی نوێی كوردییه‌وه.
ڕاشیگه‌یاند: سوودانی هه‌روه‌ها جه‌ژنی نه‌ورۆزی له هه‌موو گه‌لی عێراق و حكوومه‌ت و گه‌لانی وڵاتانی دراوسێش پیرۆز كرد.
سه‌رۆك وه‌زیرانی عێراق هه‌روه‌ها داوای له خوای گه‌وره كرد بۆنه‌ی جه‌ژنی نه‌ورۆز به خێر و خۆشی و ئارامی و پێشكه‌وتن بۆ هه‌موولایه‌ك بگه‌ڕێنێته‌وه.