لە سەلاحەددین سەرۆک مەسعود بارزانی پێشوازی لە شاندێکی باڵای هێزەکانی گۆڕانی دیموکراتی کرد.
شانده‌كه پێکهاتبوون لە رائید فەهمی سکرتێری حزبی شیوعیی عێراقی، یاسر سالم ئەندامی مەکتەبی سیاسی حزبی شیوعیی عێراقی، عەلی رەفیعی سەرۆکی تیاری کۆمەڵایەتی، مشرق ئەلفریجی سەرۆکی جووڵانەوەی نازل ئەخز حەقی، حوسێن ئەلغرابی سەرۆکی حزبی ماڵی نیشتیمانی، محیی ئەنساری سەرۆکی حزبی ماڵی عێراقی و موسا رەحمەتوڵلا سەرۆکی حزبی وەعد.
لە دیدارەکەدا بارودۆخی سیاسیی عێراق و کۆسپ و تەگەرەکانی چالاکییە سیاسییەکانی لایەنەکان و رووبەڕووبوونەوەی قەیرانە سیاسیەکان ئاڵوگۆڕ کرا.
هەر لەو دیدارەدا جەخت لە هەماهەنگیی نێوان هێزەکانی گۆڕانی دیموکراتی و پارتی دیموکراتی کوردستان کرایەوە.
