سه‌رۆك بارزانی و ره‌جه‌ب ته‌یب ئه‌ردوگان په‌یه‌وه‌ندییه‌كی ته‌له‌فۆنییان ئه‌نجامدا و تێیدا سه‌ركۆماری توركیا سوپاسی سه‌رۆك بارزانی كرد.
پێشنیوەڕۆی ئه‌مڕۆ پێنجشەممە 9ی2ی 2023، لە پەیوەندییەكی تەلەفۆنیی نێوان ڕەجب تەیب ئەردوگان، سەركۆماری توركیا و سەرۆك مەسعود بارزانی، سەركۆماری توركیا سوپاسی سەرۆك بارزانی و هەرێمی كوردستانی كرد بۆ هاوخەمی و هاوسۆزییان لەگەڵ گەلی توركیا و خانەوادە و كەسوكاری قوربانیان و زیانلێكەوتوانی بومەلەرزەكەی چەند ڕۆژی ڕابردووی توركیا.
شایانی باسه، حكوومه‌تی هه‌رێمی كوردستان دوای روودانی بوومه‌له‌رزه كاره‌ساتباره‌كه‌ی باكووری كوردستان و توركیا، وه‌ك یه‌كه‌م لایه‌نی ده‌ره‌كی هاوكاری و تیمی فریاگوزاری گه‌یانده ئه‌و وڵاته و به هانای قوربانیانی بومه‌له‌رزه‌كه‌وه چوون.