بە مەبەستی ڕووبەڕووبوونەوەی مەترسیی لافاو و ڕێگەگرتن لە كۆبوونەوەی ئاوی زیادە لە گەڕەك و شوێنە گشتییەكانی سنووری شارەوانییەكە، ئێستا ژمارەیەك پرۆژەی دروستكردنی ئاوەڕۆ لە چەند گەڕەكێكی ئاكرێ جێبەجێ دەكرێن.
ئەو پرۆژانە لە چوارچێوەی بەردەوامی پرۆژە خزمەتگوزارییەكانی شارەوانی و ئاو و ئاوەڕۆیە بە مەبەستی زیاتر خزمەتكردنی شارەكە، بە تەواوبوونیان كاریگەریان لەسەر كەمبوونەوەی مەترسیی لافاو و كۆبوونەوەی ئاوی باراناو دەبێت و هاوكات دەبنە هۆی بەرزكردنەوەی ئاستی خزمەتگوزارییەكان و بەخشینی سیمایەكی جوانتر بە گەڕەك و شوێنە گشتییەكانی سنووری شارەوانیی ئاكرێ.
ئەمە جگە لە پرۆژەكانی ئاوەڕۆ، ئێستا لە بوارەكانی دیكەشدا ژمارەیەك پرۆژەی خزمەتگوزاریی جۆراوجۆر لە سنوورەكە جێبەجێ دەكرێن.
ژمارەیەك پرۆژەی ئاوەڕۆ لە چەند گەڕەکێکی ئاکرێ جێبەجێ دەكرێن
