سكرتێرێ رۆژنامه‌ڤانی یێ پارێزگارێ دهۆكێ دیار كر كو ئه‌و سۆزا كابینا نه‌هێ یا حكومه‌تا هه‌رێما كوردستانێ دایه خه‌لكێ خوه كو دێ كاروانێ ئاڤه‌دانیێ ل هه‌می ده‌ڤه‌ران بێ جوداهی یێ به‌رده‌وام بیت بجهئینایه و بۆ ده‌مێ چه‌ند رۆژانه به‌رده‌وام پرۆژێن خزمه‌تگۆزاری ل ده‌ڤه‌رێن جوداجودا یێن پارێزگه‌ها دهۆكێ دكه‌ڤنه د قووناغا بجهئینانێ دا، ئه‌ڤرۆ رۆژا سێشه‌مبی 17/1/2023 ژی پ.د.عه‌لی ته‌ته‌ر، پارێزگارێ دهۆكێ به‌رێ بنیاتی ب گوژمێ پتری 46 ملیار دیناران بۆ ژماره‌كا پرۆژێن خزمه‌تگۆزاری ل هه‌ر ئێك ژ ناحیا (بامه‌رنی و كانی ماسێ) ل سنوورێ قه‌زا ئامێدیێ دانا.
ملله‌ت عسمه‌ت، سكرتێرێ رۆژنامه‌ڤانی یێ پارێزگارێ دهۆكێ دیار كر كو ب مه‌ره‌ما گه‌هاندنا خزمه‌تگۆزاریێن زێده‌تر بۆ ده‌ڤه‌رێن جوداجود یێن پارێزگه‌ها دهۆكێ ئه‌ڤرۆ پ.د.عه‌لی ته‌ته‌ر، پارێزگارێ دهۆكێ به‌رێ بنیاتی ب گوژمێ 46 ملیار و 907 ملیۆن و 37 هزار دینارن بۆ ژماره‌كا پرۆژێن خزمه‌تگۆزاری ل هه‌ر ئێك ژ ناحیا (بامه‌رنی و كانی ماسێ) ل سنوورێ قه‌زا ئامێدیێ دانا و د هه‌مان ده‌م دا پرۆژێ ئاڤا ستراتیژی ژ ئینیشكێ بۆ بامه‌رنێ ڤه‌كر و گۆت: ” ئه‌و پرۆژێن ئه‌ڤرۆ به‌رێ بنیاتی بۆ ژ لایێ پارێزگارێ دهۆكێ ڤه هاتیه دانان، پرۆژێ چێكرنا رێیێن ناڤخۆ ل گوندێ كانیكا و ئه‌ره‌دنا مه‌سیحیا، هه‌روه‌سا پرۆژێ رێیێن گوندێ وه‌رمێلێ، بابیرێ، زێوه شێخ پیراموس، غلبیشێ و پرۆژێ چێكرن و سه‌خبێركرنا رێیا سه‌نته‌رێ ناحیا بامه‌رنێ و پرۆژێ چێكرن و سه‌خبێركرنا رێیێن ناڤخۆ ل ناحیا ناڤهاتی، د هه‌مان ده‌م دا به‌رێ بنیاتی بۆ چێكرنا رێیا گوندێ بیدهێ ژی هاته دانان”.
ناڤهاتی ئاماژه دا وێ چه‌ندێ كو هه‌ر د چارچۆڤێ ڤێ سه‌ره‌دانێ دا پارێزگارێ دهۆكێ به‌رێ بنیاتی بۆ پرۆژێن كولانا بیره‌كا ئاڤێ دگه‌ل چێكرنا عمباره‌كا 60 مه‌تر سێجا بۆ گوندێ كێسته و كرین و دابینكرنا پوسته‌رێ په‌مپێن ئاڤێ بۆ پرۆژێ سه‌ره‌كی یێ ناحیا كانی ماسێ دگه‌ل گه‌هاندنا هێلا سه‌ره‌كی یا ئاڤێ بۆ عمبارا نوی یا هه‌مان ناحیه، دگه‌ل كولانا بیره‌كا ئاڤێ بۆ گوندێ دێرێ و دابینكرنا ماتورێن ئاڤێ و سه‌خبێركرنا فلته‌را دگه‌ل چێكرنا تورا ئاڤێ ل كومه‌لگه‌ها بریفكا و چێكرنا عمباره‌كا ئاڤێ ل كومه‌لگه‌ها ناڤهاتی و سه‌خبێركرنا تورا ئاڤێ ل راڤینا دانا، هه‌روه‌سا د هه‌مان ده‌م دا به‌رێ بنیاتی بۆ پرۆژێ دانانا ئونلودا بۆ سه‌ر فیده‌رێن 11KVل كانی ماسێ و گه‌هاندنا هێلا كاره‌بێ بۆ ژماره‌كا مالێن نوی ل گوندێ قومریێ و دشێشێ و ڤه‌گوهاستنا هێلا كاره‌بێ ل گوندێ كێسته‌ل فیده‌رێ بێگوڤا بۆ سه‌ر فیده‌رێ ئاسته‌نگێ هاته دانان، زێده‌باری ڤێ چه‌ندێ به‌رێ بنیاتی بۆ سه‌خبێركرنا رێیا هه‌ر ئێك ژ گوندێ خشخاشا و چه‌م سه‌یدا و بازێ و تیله‌رێ و هرۆر و بازیف و میركا چیا و قوونغا دووێ یا رێیا چه‌م سه‌یدا ژی هاته دانان.