به‌ڕێوه‌به‌رایه‌تی پۆلیسی پارێزگای هه‌ولێر ئه‌مڕۆ سێشه‌م ده‌ستگیركردنی كه‌سێكی ڕاگه‌یاند كه بڕێكی زۆری دۆلاری ته‌زویری پێ بووه و به‌نیاز بوو له بازاڕ ساغی بكاته‌وه.
پۆلیسی هه‌ولێر ڕایگه‌یاند: بەشی پۆلیسی فریاکەوتنی هەولێر لە پشت بەنزینخانەی ئاکار نزیک شەقامی (100 مەتری) تۆمەتبارێکی بە ڕەچەڵەک عەرەبیان بە ناوی (ک. ع. ا) دەستگیر کرد.
ڕاشیگه‌یاند: تۆمه‌تباره‌كه بڕی (4 هەزار دۆلار)ی کۆپی لابوو و دەیویست بە ناوی دۆلاری لیبییەوە لە بازاڕدا ساغی بکاتەوە.
ئاماژه‌ی به‌وه‌ش دا كه تۆمەتباری ئاماژەپێکراو بە مەبەستی گرتنەبەری ڕێکارە یاساییەکان، ڕادەستی بەشی نەهێشتنی ساختەکاریی پۆلیسی نەهێشتنی تاوان کرا.