سه‌رۆك مه‌سعود بارزانی، له په‌یامێكدا بۆ كۆچی دوایی پاپا بینێدیكتی شانزده‌یه‌م، پاپای پێشووی ڤاتیكان سه‌ره‌خۆشی ئاراسته‌ی په‌یڕه‌وانی كاسۆلیكی له جیهاندا كرد.
ئێوارەی ئه‌مڕۆ شەممە (31ی کانوونی یەکەم/ دیسه‌مبه‌ری 2022) سەرۆک مەسعود بارزانی لە هەژماری فەرمی تویتەری خۆی پەیامێکی هاوخەی بۆ کۆچی دوایی بینێدیکتی شانزدەیەم پاپای پێشووی ڤاتیکان بڵاو کردەوە کە ئەمەی خوارەوە دەقەکەیەتی:
ده‌قی په‌یامه‌كه
پرسە و سەرەخۆشیی قووڵی خۆم ئاراستەی پاپا فرانسیس و هەموو کاسۆلیکەکانی سەرانسەری دنیا دەكەم بۆ كۆچی دوایی پاپا بینێدیکتی شانزدەیەم. ڕەوانی شاد بێت.
