ئەمڕۆ دووشەممە 19/12/2022 فەرمانگەی میدیا و زانیاریی حکوومەتی هەرێمی کوردستان ڕایگەیاند، سەرۆکی حکوومەتی هەرێمی کوردستان ڕەزامەندیی لەسەر خەرجکردنی نزیکەی هەشت ملیار دینار بۆ پارێزگای ھەولێر دا.
لە ڕاگەیەندراوەکەی فەرمانگەی میدیا و زانیاریی حکوومەتی هەرێمی کوردستاندا هاتووە: ”لە چوارچێوەی گرنگیدانی کابینەی نۆیەمی حکوومەتی ھەرێمی کوردستان بە خزمەتکردنی ھاووڵاتییانی ھەرێمی کوردستان و بە ڕەچاوکردنی بەرژەوەندیی گشتی لە پارێزگاکانی ھەرێمی کوردستان و فەراھەمکردنی ژینگەی پاک و پاکمانەوە و ڕاگرتنی سیمای شارەکان، مەسرور بارزانی، سەرۆکی حکومەتی هەرێمی کوردستان، ڕەزامەندیی دا لەسەر تەرخانکردن و خەرجکردنی گوژمەی حەوت ملیار و ٨٧١ ملیۆن دینار، بە مەبەستی ئەنجامدانی پڕۆژەی خاوێنکردنەوە و گواستنەوە و داپۆشینی خاشاک لە سنووری پارێزگای ھەولێر.”
ئاماژە بەوەش دراوە: ”ئەم گوژمەیە لەسەر بودجەی بەڕێوەبەرایەتیی گشتیی شارەوانییەکانی ھەولێر خەرج دەکرێت