مەسرور بارزانی: یەکێتی ئافرەتان رۆڵێکی دیار و پێشەنگی لە پێگەیاندنی چەندین ئافرەتی سەرکردەدا ھەبووە

مەسرور بارزانی جێگری سەرۆکی پارتی دیموکراتی کوردستان، پەیامێکی بەبۆنەی 70 ساڵەی دامەزراندنی یەکێتی ئافرەتانی کوردستان بڵاوکردەوە و رایگەیاند، یەکێتی ئافرەتان رۆڵێکی دیار و پێشەنگی لە پێگەیاندنی چەندین ئافرەتی سەرکردەدا ھەبووە.

لە پەیامی مەسرور بارزانی هاتووە: “یەکێتی ئافرەتانی کوردستان، مێژوویەکی پڕ سەروەری لە قۆناخە جیاوازەکانی خەباتی رزگاریخوازی گەلی کوردستان و بەتایبەتیش لە بەرگریگردن لە مافە رەواکانی ئافرەتانی کوردستان و ئازادی و یەکسانیدا ھەیە و رۆڵێکی دیار و پێشەنگی لە پێگەیاندنی چەندین ئافرەتی سەرکردەدا ھەبووە”.

لە بەشێکی دیکەی پەیامەکەیدا مەسرور بارزانی نووسیویەتی: “لەم یادەدا، بە رێز و پێزانینەوە خەبات و تێکۆشانی بێ پسانەوەی یەکێتیی ئافرەتانی کوردستان بەرز دەنرخێنین و پشتیوانیی خۆمان بۆ خەبات و کار و چالاکییان و داکۆکیکردنیان لە مافەکانی ئافرەتان دووپات دەکەینەوە”.

 دەقی پەیامی مەسرور بارزانی:

پەیامی پیرۆزبایی مەسرور بارزانی جێگری سەرۆکی پارتی دیموکراتی کوردستان، بە بۆنەی(70) ساڵەی دامەزراندنی یەکێتیی ئافرەتانی کوردستان

بەبۆنەی ( 70 )مین ساڵیادی دامەزراندنی یەکێتیی ئافرەتانی کوردستان، گەرمترین پیرۆزبایی لە سکرتێر و مەکتەبی سکرتاریەت و ئەنجوومەنی باڵا و گشت ئەندامانی یەکێتیی ئافرەتانی کوردستان دەکەم و ھیوای سەرکەوتن و بەردەوامیان لە خەباتی ڕێکخراوەییان لە پێناو داکۆکیکردن لە مافەکانی ئافرەتان بۆ دەخوازم .

 یەکێتی ئافرەتانی کوردستان، مێژوویەکی پڕ سەروەری لە قۆناخە جیاوازەکانی خەباتی رزگاریخوازی گەلی کوردستان و بەتایبەتیش لە بەرگریگردن لە مافە رەواکانی ئافرەتانی کوردستان و ئازادی و یەکسانیدا ھەیە و رۆڵێکی دیار و پێشەنگی لە پێگەیاندنی چەندین ئافرەتی سەرکردەدا ھەبووە.

لەم یادەدا، بە ڕێز و پێزانینەوە خەبات و تێکۆشانی بێ پسانەوەی یەکێتیی ئافرەتانی کوردستان بەرز دەنرخێنین و پشتیوانیی خۆمان بۆ خەبات و کار و چالاکییان و داکۆکیکردنیان لە مافەکانی ئافرەتان دووپات دەکەینەوە.

پیرۆز بێت ساڵیادی دامەزراندنی یەکێتیی ئافرەتانی کوردستان

مەسرور بارزانی

جێگری سەرۆکی پارتی دیموکراتی کوردستان

2022/12/11