سەرۆكی حكومەت سەرەخۆشی لە پارێزگاری سلێمانی دەكات
ئەمڕۆ یەكشەممە 20ی نۆڤێمبەر، مەسرور بارزانی، سەرۆكی حكومەتی هەرێمی كوردستان، لە پەیوەندییەكی تەلەفۆنیدا ، سەرەخۆشی لە هەڤاڵ ئەبوبەكر، پارێزگاری سلێمانی كرد بۆ كۆچی دوایی باوكی.
سەرۆكی حكومەت، پرسە و هاوخەمی خۆی پێگەیاند و و هیوای خواست، خوای مەزن گیانی خوالێخۆشبوو بە بەهەشت شاد بكات و سەبر و ئارامییش بە كەسوكار و بنەماڵە بەڕێزەكەیان ببەخشێت.
پارێزگاری سلێمانی، سوپاس و پێزانینی خۆی و بنەماڵەكەی، بۆ پەیوەندیی و هاوخەمی سەرۆكی حكومەتی هەرێمی كوردستان دەربڕی.