بەڕێوبەرایەتی گشتیی حەج و عەمرەی کوردستان ڕایگەیاند،ئەمڕۆ ئافرەتێکی عومڕەکاری کورد بەناوی( سینام اسماعیل فتاح) لە سعوودیە کۆچی دوایی کرد.
ئاماژەی بەوەش کردووە:ئەو عومڕەکارە تەمەنی 68 ساڵە و خەڵکی شاروچکەی پیرمامە و ماوەی چەند رۆژێکە بە مەبەستی ئەنجامدانی سوونەتی عومڕە سەردانی عەرەبستانی سعوودیە کردووە.
شایانی باسە دوێنی ئەو عومڕەکارە بە هۆی تووشبوونی بە جەڵتەی دڵ ڕەوانەی نەخۆشخانەی مەلیک فەیسەڵ کراوە لە شاری مەککەی پیرۆز و هەموو ڕێککارە تەندروستییەکانی بۆ ئەنجامدراوە بەداخەوە ئەمڕۆ کۆچی دوایی کرد و دوای وەرگرتنی ڕەزامەندی کەسوکارییان بڕیارە لە حەرەمی پیرۆزی مەککەی نوێژی لەسەر بکرێت و پاشان لە گورستانی مەککە بە خاک بسپێردرێت.