ئه‌مڕۆ سه‌رۆك بارزانی، پێشوازی له باڵوێزی فینله‌ندا له عێراق كرد و بارودۆخی سیاسی عێراق و پاڵپشتیكردنی هێزه‌كانی پێشمه‌رگه تاوتوێ كران.
ئه‌مڕۆ چوارشەممە 16/11/2022 لە سەڵاحەدین، سەرۆك مەسعود بارزانی، پێشوازی لە ماتی لاسیللا، باڵوێزی فینلەندا لە عێراق كرد.
لە دیدارەكەدا باڵوێزی فینلەندا لە عێراق پێزانینی بۆ جێدەستی سەرۆك بارزانی لە خەبات و مێژووی هاوچەرخی گەلی كوردستان هەبوو، سوپاسی ڕۆڵی پێشمەرگە و هەرێمی كوردستان و سەرۆك بارزانی كرد لە شەڕی تیرۆر و تێكشكاندنی تیرۆریستانی داعش.
لە بەشێكی تری ئەو دانیشتنەدا باڵیۆزی فینلەندا لە عێراق ئەوەی دووپاتكردەوە كە وڵاتەكەی بەردەوام دەبێ لە پاڵپشتی و مەشق و ڕاهێنانی هێزی پێشمەرگەی كوردستان و سوپاسی حكوومەتی هەرێمیشی كرد بۆ هاوكاری و هەماهەنگیكردنی لە گەڕاندنەوەی هاووڵاتیانی فینلەندا لە سووریا.
بارودۆخی سیاسیی عێراق تەوەرێكی تری ئەو كۆبوونەوەیە بوو.