کەشناسی هەرێم رەوشی کەش و هەوای ئەمڕۆ و سبەی راگەیاند

ئاستی دابارین لەسەر بەشێك لەناوچە شاخاوییە سنوورییەكان مامناوەند و لێزمە باران دەبێت
بەشی پێشبینی كەشی پێشبینیكراوی 48 كاتژمێری داهاتووی شارەكانی هەرێمی كوردستان بڵاوكرایەوە كە بەم شێوەیە ..
ئەمڕۆ چوار شەممە  16 – 11- 2022  
كەش/هەرێمی كوردستان دەكەوێتە ژێر شەپۆڵێكی باران بارین (كاتی دابارین لەسەر ناوچەكەمان) لە دوای نیوەرۆ دەست پێ دەكات بەگشتی , سنوری پارێزگای سلێمانی زۆرترین ئاستی دابارینی دەبێت لەچاو ناوچەكانی تر لەكاتەكانی ئێوارەی رۆژی پێنج شەمە كۆتای بە كاریگەری ئەم شەپۆڵە دێت.
 پارێزگای هەولێر: ئاسمان هەور دەبێت , سەرەتا لەكاتەكانی نیوەرۆلەسەر بەشێك لەناوچە شاخاویەكان نمە باران دەست پێ دەكات پاشان لەناوچە جیا جیاكاندا باران دەبارێت .
 پارێزگای سلێمانی و هەڵەبجە: ئاسمان هەور دەبێت لەگەڵ دەست پێكردنی باران لەكاتەكانی نیوەرۆ لەسەر بەشێك لەناوچە شاخاویەكان لەدوای نیوەرۆ كاریگەری باران بارین زیاتر دەبێت لەسەر زۆربەی ناوچەكان , لەئێوارەدا ئاستی باران مامناوەند دەبێت لەسەر بەشێك لەناوچەكانی باكووری ئەم دوو پارێزگایە هەندێ كات باران بەشێوەی لێزمە باران دەبێت.
پارێزگای دهۆك: ئاسمان هەور دەبێت , باران بارین لە دوای نیوەرۆ لەسەر ناوچە شاخاویەكان دەست پێ دەكات پاشان ئاستی دابارین زیاتر دەبێت و لە ئێوارەدا پێشبینی باران بارین لەسەر تەواوی ناوچە جیا جیاكان دەبێت , ئاستی دابارین لەسەر بەشێك لەناوچە شاخاوییە سنووریەكان مامناوەند و لێزمە باران دەبێت .
پارێزگای كەركوك: ئاسمان هەور دەبێت لەگەل دەست پێ كردنی نمە باران لەناوچە جیا جیاكاندا لەكاتەكانی دوای نیوەرۆ.
خێرای با / لەسەر خۆ- مام ناوەند  دەبێت (15- 25) كم/ك. 
ئاراستەی با/ باكووری  رۆژهەڵات دەبێت .
پلەكانی گەرما / كەمێك نزم دەبێتەوە لە تۆماركراوەكانی دوێنێ .
مەودای بینین / لە نێوان ( 7 – 9 ) كم  دەبێت .
پلەكانی گەرما / لەسەر نەخشەدا ئاماژەیان پێدراوە .
سبەی پێنج  شەممە   17 – 11 – 2022
كەش/ ئاسمان هەور دەبێت , باران بارین لەكاتەكانی بەیانی زوودا رێژەكەی زیاتر دەبێت , لە تەواوی ناوچەكەمان باران بارین دەبێت وە هەورە تریشقەشی لەگەڵ دەبێت . زۆرترین رێژەی بارانی پێشبینیكراو لە سنووری پارێرزگای سلێمانی و هەڵەبجە دەبێت , بەفر بارین لەسەر لوتكەی ناوچە شاخاوییە سنووریەكان دەبێت لەكاتەكانی شەودا كاریگەری ئەم شەپۆلە لاواز دەبێت .  
 پلەكانی گەرما / نزم دەبێتەوە بە ( 2 تا 3 ) پلە لەتۆماركراوەكانی رۆژی پێشوو.
خێرای با / لەسەر خۆ- مام ناوەند  دەبێت (15- 25) كم/ك. 
ئاراستەی با/ باكووری خۆرهەڵات دەبێت .
مەودای بینین / لە نێوان ( 7 – 9) كم  دەبێت .
بەرزترین پلەكانی گەرمای پێشبینیكراو بە پلەی سیلیزی :
هەولێر     :  19 پلەی سیلیزی
سلێمانی    : 16 پلەی سیلیزی
دهۆك     :  18 پلەی سیلیزی
كەركوك  : 22 پلەی سیلیزی
هەڵەبجە   :  18 پلەی سیلیزی
زاخۆ      :  19 پلەی سیلیزی
سۆران    :  17 پلەی سیلیزی
گەرمیان  :  23 پلەی سیلیزی
بەشی پێشبینی / 16 – 11 – 2022