ئه‌مڕۆ دووشه‌ممه (14ی تشرینی دووه‌م/نۆڤێمبه‌ری 2022)، بەرێوەبەرایەتی گشتی گەشتوگوزاری ھەولێر رایگه‌یاند، له‌ماوه‌ی ده مانگی رابردووی ئه‌مساڵ، دوو ملیۆن و 468 هه‌زار و 138 گه‌شتیار سه‌ردانی پارێزگای هه‌ولێریان كردووه.
به‌گوێره‌ی ئاماره‌كانی ئه‌و به‌ڕێوه‌به‌رایه‌تییه، له‌و ژماره‌یه‌دا 445 هه‌زار و هه‌شتاو پێنج گه‌شتیاریان بیانی بوون.
بەرێوەبەرایەتی گشتی گەشتوگوزاری ھەولێر، ئاماژه‌ی به‌وه‌شكردووه، ئه‌و ئامارانه له نێوان (2022/1/1 تاوه‌كو 2022/10/31) تۆماركراوه و پێشبینی ده‌كرێت تاوه‌كو كۆتایی ئه‌مساڵ، رێژه‌ی گه‌شتیاران زیاتر به‌رزببێته‌وه