بەهۆی هێرشە مووشەکیەکەی ئێران بۆ سەر کۆیە هاووڵاتییەک لەناو بازاڕی قەزای کۆیە گیانی لەدەستدا.
تارق حەیدەری قایمقامی قەزای کۆیە رایگەیاند، لە ئەنجامی هێرشە مووشەکیەکەی ئێران بۆ سەر کۆیە، هاووڵاتییەکی سڤیل کە نەخۆشی دڵی ھەبووە بەوهۆیەوە شڵەژاوە و جەڵتەی دڵ لێیداوەو گیانی لەدەستداوە.
ئەمڕۆ دووشەممە 14/11/2022، ئێران هێرشی مووشەکی کردە سەر بارەگاکانی حزبی دیموکراتی کوردستانی ئێران لە کۆیە، بەگوێرەی ئامارەکان پێشمەرگەیەک بەناوی رێبوار عەبدی شەهید بووە و ژمارەیەک کەسی دیکەش بریندارن.