ئەمڕۆ لە گوندێكی سەر بە ناحیەی تەكیە، سەر بە قەزای چەمچەماڵ، پیاوێكی بەتەمەن لە كاتی كیڵانی زەویی كوشتوكاڵیدا لە گوندەكەیان كەوتە ژێر تراكتۆرەكەیەوە و بەهۆیەوە گیانی لەدەست دا.
لەم بارەیەوە، مفەوەز لوقمان، كارمەندی هاتوچۆی چەمچەماڵ ڕاگەیاند: ”ئەمڕۆ پێنجشەممە 27ی 10ی 2022، لە گوندی شێخ وەیس، سەر بە ناحیەی تەكیەی قەزای چەمچەماڵ، پیاوێك بە ناوی جەبار حەمەكەریم نادر، تەمەن 72 ساڵ، لە كاتی كێڵانی زەویی كشتوكاڵیدا كەوتە ژێر تراكتۆرەكەیەوە.”
گوتیشی: ”بەو هۆیەوە ئەو پیاوە گیانی لەدەست دا و كارمەندانی هاتوچۆی ناحیەی تەكیەی سەر بە چەمچەماڵیش بەمەبەستی لێكۆڵینەوەی ورد گەیشتنە شوێنی ڕووداوەكە.”