ئێستا هاووڵاتییان دەتوانن بە سیستەمی ئۆنلاین سکاڵا و داواکارییەکانتان بگەیەننە وەزارەتی کارەبا.
وەزارەتی کارەبای هەرێمی کوردستان ئامارێکی بڵاو کردۆتەوە و ڕایگەیاندووە: لە ماوەی مانگی شوباتی ڕابردوو، وەڵامی 90 سکاڵا و داواکاریی هاووڵاتییانی داوەتەوە، کە بە رێگەی خزمەتگوزاریی سیستەمی ئۆنلاین و پەیوەندیی تەلەفۆنییەوە پێشکەش کراون.
لە ئامارەکە هاتووە کە، 53 سکاڵای هاووڵاتیان چارەسەر کراون، کە 23 سکاڵا، تایبەت بوون بە پێشنیار و تێبینی و دۆسیەی دووبارە، هەروەها 2 سکاڵا بۆ وەڵامدانەوە، پێویستییان بە زانیاریی زیاتر هەیە و 12 سکاڵای دیکەش بەدواداچوونی بۆ دەکرێت.
وەزارەتەکە ڕوونی کردۆتەوە کە سكاڵا و داواکاری هاووڵاتییان لەم بوارانەی خوارەوە پێکهاتوون:-
– کێشەی پێوەری زیرەک
– کێشەی فرۆشیاران و هەڵەی خوێندنەوەی پێوەر
– گەڕانی ژمێریاران لە گەڕەکەکان
– گەیاندنی کارەبا بۆ شوێنەکان
– هێنانە خوارەوە و هەڵدانەوەی سرکێتی محاویلەی گەڕەک لە لایەن هاووڵاتییانەوە
– سەرپێچی و ڕۆتین
ئاماژەی بەوەش داوە کە هاووڵاتییان دەتوانن بە ڕێگەی سیستەمی خزمەتگوزاریی سیستەمی ئۆنلاین و پەیوەندیی تەلەفۆنی سکاڵا و داواکارییەکانی بگەیننە وەزارەتی کارەبا.
وەزارەتی کارەبا ئاماژەی بەوەش داوە کە بۆ وەرگرتنی ژمارە تەلەفۆنەکانی وەزارەتی کارەبا و فەرمانگەکانی لە ناوچە جیاوازەکانی هەرێمی کوردستان لە ڕێگەی ئەم لینکانەوە دەتوانن سوودمەند بن:-
ماڵپەڕی پسوولە:
: