ئاگر لە قوتابخانەیەکی سلێمانی کەوتەوە
ئاگر لە قوتابخانەی بەردەکەڕک لە تانجەرۆی سلێمانی دەکەوێتەوە. سەرکەوت ئەحمەد، گوتەبێژی پۆلیسی سلێمانی دەڵێت، بەگوێرەی ئەو زانیارییانەی بەردەستن، رووداوەکە لەکاتی گواستنەوەی بەرمیلێک نەوت بووە و بەهۆیەوە دوو مامۆستا بریندار بوون.
دابان محەممەد، بەڕێوەبەری ناحیەی تانجەرۆ بە سەرچاوەیەکی میدیایی راگەیاند، بەیانیی ئەمڕۆ تەنكەرێكی گواستنەوەی سووتەمەنی لەناو قوتابخانەی بەردەكەڕ ئاگری گرتووە بەوهۆیەوە سێ كەس بەسووكی بریندار بوون.
لەبارەی دەنگۆی ئەوەی کە لە جیاتی نەوت بەنزین درابێتە قوتابخانەكە، دابان محەممەد گوتی، “دەستمان بە لێكۆڵینەوە كردووە جارێ ئەوە یەكلایی نەبووەتەوە بەنزین بووە یان نەوت”.
ناحیەی تانجەڕۆ دەکەوێتە بەشی باشووری رۆژهەڵاتی سلێمانی و كەمتر لە 10 كیلۆمەتر لە سەنتەری شاری سلێمانییەوە دوورە.