دهۆک.. ئەمڕۆ گەورەترین پاركی شوێنەواری لەسەر ئاستی هەرێمی كوردستان و عێراق دەكرێتەوە

ئەڤرۆ مەزنترین پاركا شوینواری ل سەر ئاستێ هەرێما كوردستانێ و ئیراقێ دێ ل پارێزگەها دهۆكێ هێتە ڤەكرن.
د. بێكەس بریفكی، رێڤەبەرێ شوینواران ل پارێزگەها دهۆكێ ب رێكا گاڤ دیار كر: ئەڤرۆ رۆژا ئێكشەمبی 16-10-2022 قووناغا ئێكێ یا ڤەكرنا مەزنترین پاركا شوینواری ل هەرێما كوردستانێ و ئیراقێ و هەڤدەم ئێكەم پاركا شوینواری دێ ل پارێزگەها دهۆكێ هێتە راگەهاندن.
رێڤەبەرێ شوینوارێن پارێزگەها دهۆكێ خۆیا ژی كر: رووبەرێ گشتی یێ پاركێ 130 كیلۆمترێن دوجارن و پێنج جهێن شوینواری ب خۆ ڤە دگریت كو خەنس، جەروانە، بەندەوایە، فەیدیێ و شكەفتا هەلامەتانە.
د. بێكەس بریفكی دا زانین ژی: پرۆژە ژ ئالیێ رێڤەبەریا شوینوارێن پارێزگەها دهۆكێ و زانینگەها ئودونی یا ئیتالی دێ هێتە ڤەكرن و د قووناغا ئێكێ دا یا ئەڤرۆ دهێتە ڤەكرن، بتنێ پاركا فەیدیێ یە كو رووبەرێ وێ 102 هكتارن.