پۆلیسی راپەرین، رای دەگەیەنێت کە تەرمی کەسێک دوای هەفتەیەک لە بێسەروشوێنبوونی لە قەڵادزێ دۆزراوەتەوە.
بەڕێوەبەرایەتیی پۆلیسی راپەرین ئاشکرای کرد، پاش ئەوەی ڕۆژی 23/9 لە بنکەی پۆلیسی ڕاپەڕین سکاڵا تۆمار کرا لەسەر ئەوەی هاووڵاتی (ج . ح) لەدایکبووی ساڵی 1975 ڕەگەزی نێر، دانیشتووی گەڕەکی ڕاپەڕین چووەتە دەرەوە و نەگەڕاوەتەوە، دوای تێپەڕبوونی 7 ڕۆژ بەسەر ونبوونەکەیدا سەرلەبەیانی ئەمڕۆ تەرمەکەی لە پشت گۆڕستانی قەڵادزێ دۆزرایەوە.
پۆلیسی راپەرین راشی گەیاندووە کە کە بە گوتەی هاوسەرەکەی “باری دەروونیی جێگیر نەبووە”پاش گرتنەبەری ڕێوشوێنی یاسایی و تەندروستی بڕیاردرا تەرمەکەی بەرێبکرێ بۆ پەیمانگای پزیشکی دادیی ڕانیە بەمەبەستی دەرکەوتنی هۆکاری ڕاستەقینەی مردنەکەی، دۆسیەی لێکۆڵینەوە بۆ ڕووداوەکە ڕێکخراوە و لێکۆڵینەوەش بەردەوامە.
