وه‌زاره‌تی بازرگانی و پیشه‌سازی حكوومه‌تی هه‌رێمی كوردستان ئاشكرای كرد كه كۆتاییان به دابه‌شكردنی به‌شه‌خۆراكی شه‌شه‌می هاووڵاتییانی شاری هه‌ولێر هێنا و جه‌ختیشی كرده‌وه كه هه‌فته‌ی داهاتوو ده‌ست به دابه‌شكردنی سه‌به‌ته‌ی حه‌وته‌م ده‌كرێت.
وه‌زاره‌ته‌كه ڕایگه‌یاند: بەڕێوەبەرایەتی کەلوپەلی خۆراکی هەولێر ئه‌مڕۆ چوارشەم كۆتاییهێنانی بە دابەشکردنی بەشەخۆراکی هاووڵاتییان سەبەتەی شەشەم ڕاگه‌یاند.
ئاماژه‌ی به‌وه‌ش دا كه به‌شه‌خۆراكه‌كان بۆ هه‌ر نه‌فه‌رێك بریتی بوون له:-
1- شــــــەکــــــــر = 1 کغم
2- زەیــــــــــــت = یەک لیتر (920 غم)
3- بــــــرنــــــــج = 3 کغم
4- دۆشاوی تەماتە = یەک قوتی 400 غم
5- فاسۆلیا یان نیسک = 500 غم (نیو کگم)
6- لەتکە نــــۆک = 500 غم (نیو کگم)
بەڕێوەبەرایەتی کەلوپەلی خۆراکی هەولێر جه‌ختیشی كرده‌وه كه بڕیارە لە هەفتەی داهاتوودا دەست بکرێت بە دابەشکردنی بەشەخۆراکی سەبەتەی حەوتەم لەسەر لیستی بریکاری مانگی 8/2022