سه‌رۆكی حكوومه‌ت: ڕه‌زامه‌ندی دراوه له‌سه‌ر دروستكردنی 9 به‌نداوی نوێ
سه‌رۆكی حكوومه‌تی هه‌رێمی كوردستان ئه‌مڕۆ دووشه‌م تویتێكی بڵاو كرده‌وه و تێیدا ئاماژه‌ی به‌وه‌دا كه ئاسایشی ئاو له پێشینه‌ی كاره‌كانیانه و بۆ ئه‌م مه‌به‌سته‌ش حكوومه‌تی هه‌رێم ڕه‌زامه‌ندی نیشانداوه له‌سه‌ر دروستكردنی 9 به‌نداوی نوێ.
مه‌سرور بارزانی سه‌رۆكی حكوومه‌تی هه‌رێمی كوردستان ڕایگه‌یاند “ئاسایشی ئاو له پێشینه‌ی كاره‌كانمانه”.
ڕاشیگه‌یاند “حكوومه‌تی هه‌رێمی كوردستان ڕه‌زامه‌ندی نیشانداوه له‌سه‌ر دروستكردنی 9 به‌نداوی نوێ له سه‌رانسه‌ری هه‌رێمی كوردستان”.
هه‌روه‌ها ڕایگه‌یاند “كار ده‌كه‌ین بۆ باشتر به‌ڕێوه‌بردنی ئه‌م سه‌رچاوه به‌نرخه بۆ یارمه‌تیدانی جوتیاره‌كانمان و هه‌روه‌ها دابینكردنی ئاو بۆ هه‌موو ماڵێك له سه‌رتاسه‌ری هه‌رێمی كوردستان”.