ئه‌مڕۆ دووشه‌ممه 11/7/2022، ئومێد خۆشناو، پارێزگارى هه‌ولێر، به (باسنیوز)ى ڕاگه‌یاند: “لەبارەی تەقەكردنەكەوە لەگەڵ حاجی مەسیفی، ئەندامی سەكردایەتیی یەكێتی قسەم كردووە، ھەر دوای چەند خولەكێك لە تەقەكردنەكە ھێزە ئەمنییەكان چوونەتە شوێنی تەقەكردنەكە دەستیان بە لێكۆڵینەوە كردووه، پەڕاوەكەشی لە بەردەم دادگایە”.
لەبارەی خێرا دۆزینەوەی تۆمەتبار، پارێزگاری ھەولێر گوتى: “ئەگەر دۆزینەوەی تۆمەتبار بۆ حاجی مەسیفی جارێك گرنگ بێت، بۆ ئێمە وەك لیژنەی ئەمنی 10 جار گرنگترە، دوای دۆزینەوەی تۆمه‌تباره‌كه، ھەر كەسێك بێت، ناسنامه‌كه‌ی بۆ ڕای گشتی ڕادەگەیەنین”.