هونەرمەند محەممەد ئەربیلی لە تەمەنی 89 ساڵیدا لە نەخۆشخانەی ژین لە شاری هەولێر کۆچی دواییکرد.
رۆژی دووشەممە 20ـی حوزەیرانی 2022، سەمیر سابغر، زاوای محەممەد ئەربیلی رایگەیاند، دوای کاژێر 09:00ـی بەیانی ئەمڕۆ هونەرمەند محەممەد ئەربیلی کۆچی دواییکرد و ئێستا تەرمەکەی لە نەخۆشخانەیە.
محەممەد ئەربیلی ماوەیەک بوو بەهۆی تێکچوونی باری تەندروستییەوە لە نەخۆشخانە بوو و یەکێک لە گورچیلەکانی لەکارکەوتبوو، بڕیار بوو نەشتەرگەری بۆ گورچیلەی بکرێت.
هونەرمەند محەممەد ئەربیلی بەهۆی دەنگە خۆشەکەیەوە لە منداڵییەوە گۆرانی دەگوت و خاوەنی چەندین گۆرانییە، لەوانە ئەی دلێران، کچەی کافرۆش، یەڵڵا شۆفێر و هەولێر.
ئومێد خۆشناو، پارێزگاری هەولێر دەڵێت، “هه‌ولێر و کوردستان، ئه‌ستێره‌یه‌کی گه‌وره‌ی هونه‌ری له‌ده‌ستدا.”