دژه‌تیرۆری كوردستان زانیاری له‌سه‌ر ته‌قینه‌وه‌كه‌ی ئه‌مڕۆ هه‌ینی كه‌لار ئاشكرا كرد و ڕایگه‌یاند كه فڕۆکەیه‌كی بێفڕۆکەوانی سوپای تورکیا ئۆتۆمبێلێکی چەکدارانی پەکەکەی كردۆته ئامانج و به‌هۆیه‌وه چوار کەس كوژراون.
دژه‌تیرۆر ڕایگه‌یاند: ئەمڕۆ هەینی کاتژمێر 9:30ی پێشنیوەڕۆ، ئۆتۆمبێلێکی جۆری (جیپ) لە نزیک سایلۆی کەلار لەلایەن فڕۆکەی بێفڕۆکەوانی سوپای تورکیاوە کرایە ئامانج.
ڕاشیگه‌یاند: لە ئەنجام ته‌قینه‌وه‌ی ئۆتۆمبێله‌كه‌دا چوار کەس کە سەرنشینی ئۆتۆمبێلەکە بوون کوژران و یەکێکی دیکەش لە سەرنشینەکان بریندار بوو و گەیەندراوەتە نەخۆشخانە.
دژه‌تیرۆری كوردستان ئاماژه‌ی به‌وه‌ش دا كه ئەو کەسانەی بە ئامانج گیراون چەکدارانی پەکەکە بوون و لەلایەن فڕۆکەی بێفڕۆکەوانی سوپای تورکیاوە کراونەتە ئامانج.