وه‌زیری ته‌ندروستی حكوومه‌تی هه‌رێمی كوردستان ڕایگه‌یاند، له ته‌قینه‌وه‌كه‌ی ئه‌مشه‌وی شاری هه‌ولێر 3 هاووڵاتی به سووكی بریندار بوون، جه‌ختیشی كرده‌وه كه چاره‌سه‌ری پزیشكی بۆ هه‌رسێ برینداره‌كه كراوه.
ئه‌مشه‌و چوارشه‌م كاتژمێر 9:35 به درۆنێكی بۆمبڕێژكراو هێرشكرایه سه‌ر شه‌قامی نێوان هه‌ولێر – پیرمام.
د. سامان به‌رزنجی وه‌زیری ته‌ندروستی ڕایگه‌یاند: لەگەڵ بیستنی ده‌نگی ته‌قینه‌وه‌كه، ژمارەیەکی زۆر ئەمبوڵانس و تیمی فریاگوزاری و پزیشکی فریاکەوتنی هەولێر گەیشتنە شوێنی ڕووداو و ئامادەکاری تەواو کرا بۆ هەر ئەگەرێک.
ڕاشیگه‌یاند: خۆشبەختانە هیچ بریندارێکی سەخت نییە، تەنها 3 هاووڵاتی برینی سووك و سادەیان هەیە و کاری پێویستی چارەسەریشیان بۆ كراوه.
له‌باره‌ی ته‌قینه‌وه‌كه دژه‌تیرۆری كوردستان ڕاگه‌یه‌نراوێكی بڵاو كرده‌وه و ڕایگه‌یاند كه ته‌قینه‌وه‌كه به ڕێگه‌ی درۆنی بۆمبڕێژكراو ئه‌نجامدراوه.
ڕاشیگه‌یاند: لە ئاکامی ته‌قینه‌وه‌كه‌دا سێ هاووڵاتی بە سووکی بریندار بوون، جگه له‌وه‌ش زیانی ماددی بەر خواردنگەیەک و چەند ئۆتۆمبێلێک گه‌یشتووه
