لە گوندێکى سنووری شارۆچکەی رزگاری لە قەزای خەبات، بەهۆی کێشەیەکی کۆمەڵایەتییەوە چوار کەس کوژران.
کوێستان ئەحمەد، قایمقامی قەزای خەبات لەلێدوانێکى تەلەفزیۆنیدا رایگەیاند، رووداوەکە کەمێک لەمەوبەر روویداوە و بەهۆی کێشەیەکی کۆنی نێوان دوو خێزانەوە بووە.
وتیشی “هێزە ئەمنییەکان ئێستا گەیشتوونەتە شوێنی رووداوەکە و لێکۆڵینەوەیان لە رووداوەکە دەستپێکردووە”.
هەروەها کەسێکی نزیک لەو ماڵباتەی کەسەکانیان لێکوژراوە، ووتی “کوژراوەکان دوو کوڕ و باوکیان و برازایەکی باوکەکەیە”.
رووداوەکە لەسەر “کێشەی کۆنی کۆمەڵایەتی بووە کە کێشەیان لەسەر زەویوزاریش هەبووە، لە رابردووشدا سوڵحیان کردووە، بەڵام ئەمڕۆ دیسانەوە بووەتەوە کێشەیان.