به‌ڕێوه‌به‌رایه‌تی پۆلیسی پارێزگه‌ی سلێمانی ئه‌مڕۆ چوارشه‌م ده‌ستگیركردنی 15 ده‌رۆزه‌كه‌ری له شاره‌كه ڕاگه‌یاند، جه‌ختیشی كرده‌وه كه له‌و هه‌ڵمه‌ته‌یان به‌رده‌وام ده‌بن.
به‌ڕێوه‌به‌رایه‌تییه‌كه ده‌ڵێت “دوای سکاڵای ھاووڵاتییان کە دەرۆزەکاران لە بازاڕ و شوێنە گشتییەکان بوونەتە ھۆی بێزارکردنیان، مەفرەزەکانی پۆلیسی پارێزگای سلێمانی ھەڵمەتێکیان بۆ دەستگیرکردنیان دەست پێ کرد”.
ڕاشیگه‌یاند “ئەمڕۆ چوارشه‌م مەفرەزەکانی بەشی پۆلیسی ڕێککاریی 15 دەرۆزەکاریان دەستگیر کرد کە یەکێکیان بەناوی فاڵگرتنەوە و نوشتە و جادووەوە ھاووڵاتییانی فریوداوە”.
هه‌روه‌ها ڕایگه‌یاند “ھەڵمەتەکانی پۆلیسی سلێمانی بەردەوام دەبێت بۆ دەستگیرکردنی دەرۆزەکاران و ئەو کەسانەی بەناوی نوشتە و جادووەوە ھاووڵاتییان فریو دەدەن”.
جێی باسه دوێنێ سێشه‌م مەفرەزەکانی پۆلیس توانیبوویان چوار تۆمەتباری ئافرەت دەستگیر بکەن کە ھێرشیانکردبووە سەر ھاووڵاتییەک و بڕێک پارەیان لی دزیبوو.
