رووداوێکی هاتووچۆ مردن و بریندار بوونی لێکەوتەوە
هاتووچۆی کۆیە ڕایگەیاند، لە ئەنجامی وەرگەڕانی پاسێکی قوتابییان زیاتر لە 10 قوتابی و برینداربوون و قوتابییەکیش گیانی لەدەستدا.
محەمەد تەحسین ئێشکگر لە بەڕێوەبەرایەتی ھاتووچۆی کۆیە رایگەیاند: ئێواره‌ی ئه‌مڕۆ هەینی لە ڕێگەی نێوان سکتان-رانیە، نزیک گوندی گردگۆران لە ئەنجامی پێکدادانی ئۆتۆمبێلێکی جۆری ( نیسان پیکاپ و مینی پاس) ڕووداوێکی هاتووچۆ لە جۆری وەرگەڕان ڕوویدا.
ڕاشیگەیاند: بەهۆیەوە زیاتر لە 10 قوتابی برینداربوون و قوتابییەکیش گیانی لەدەست داوە، هەروەها شوفێرى پاسەکەش بە سەختى بریندارە.
ئەو ئەفسەرەی هاتووچۆی کۆیە ئاماژەی بەوەش دا کە 5 قوتابی لە فریاکەوتنی کۆیەن و ئەوانی دیکەش گەیەنراونەتە نەخۆشخانەی ڕانیە.